သီတင်းကျွတ်လပြည့် အဘိဓမ္မာအခါတော်နေ့အကြောင်း သိကောင်းစရာများ

သီတင်းကျွတ်လပြည့် အဘိဓမ္မာအခါတော်နေ့အကြောင်း သိကောင်းစရာများ

သုံးလောကထွတ်ထား သဗ္ဗညုမြတ်စွာဘုရာသည် အဘိဓမ္မာတရား
  တော်ကို ၆-ဝါ အလွန် ၇-ဝါအရောက်မဟာသက္ကရာဇ် ၁၀၉-ခုနှစ်တွင် တာဝ
တိံသာနတ်ပြည် ပင်လယ်ကသစ်ပင်ရင်း ပဏ္ဍုကမ္ဗလာ ကျောက်နေရာ
ထက်၌ မယ်တော်မိနတ် ကျေးဇူးဆပ်လိုသော ရည်ရွယ်ချက်ဖြင့် မယ်တော်
  ဖြစ်ခဲ့ဘူးသော သန္တုဿိတ နတ်သားအမှုးပြုသော နတ်ဗြဟ္မာအပေါင်းတို့
အား ဝါတွင်းသုံးလ ရက်ပေါင်း (၉၀)ကြာအောင် ဟောကြားတော်မူပါသည်

အဘိဓမ္မာဒေသနာတော်သည် သုတ္တန်ဒေသနာ , ဝိနည်းဒေသနာတော်များ
ကဲ့သို့ လူတို့၏ အချိန်ကာလတစ်ရက်အတွင်း၌ အစ , အလယ် , အဆုံး
ဟောကြား၍ မဖြစ်ပါ။
အဘိဓမ္မာတရား၏ ရှည်လျားသောဒေသနာအစဉ်ကို လူသားများ ဣရိယာ
ပုထ်တစ်ခုတည်းဖြင့် ပြီးဆုံးအောင် နာယူနိုင်သောစွမ်းရည်လည်းမရှိပါ။
လူတို့၏အချိန်ကာလ ဝါတွင်းသုံးလသည် နတ်တို့၏အချိန်ကာလ တစ်ခ
ဏမျှသာ ဖြစ်ပါသည်။ဤအကြောင်းများကြောင့် ဘုရားရှင်တိုင်း အဘိဓမ္မာ
တရားတော်ကို လူ့ပြည်၌ မဟောကြားပဲ နတ်ပြည်မှာ ဟောကြားရခြင်းဖြစ်ပါသည်။

အဘိဓမ္မာတရားတော်ကို ဝါတွင်းသုံးလ ဟောကြားရာ၌ လူသားဘုရား
အနေဖြင့် နတ်အာဟာရကို မမှီဝဲပါ။
လူ့ပြည်လူ့ရွာ မြောက်ကျွန်းသို့ ဆွမ်းခံကြွပြီး လူ့အာဟာရကို မှီဝဲသုံးဆောင်ပါသည်။
ပကတိမြတ်စွာဘုရား ဆွမ်းခံကြွသောအခါ အဘိဓမ္မာတရား ဟောကြားခြင်း
မှ ရပ်ဆိုင်းမထားပါ။ပကတိမြတ်စွာဘုရားကိုယ်စား တန်ခိုးတော်ဖြင့် ဖန်
ဆင်းထားသော နိမ္မိတဘုရားရှင်က ဆက်၍ ဟောကြားတော်မူပါသည်။
အဘိဓမ္မာတရား ဟောကြားပုံ ဟောကြားနည်း သုံးမျိုးရှိပါသည်။

၁။သဗ္ဗညုမြတ်စွာဘုရားက တာဝတိံသာနတ်ပြည်၌ နတ်ဗြဟ္မာပရိသတ်တို့
အား အကျယ်နည်းဖြင့် ဟောကြား  တော်မူပါသည်။

၂။စန္ဒကူးတော၌ အရှင်သာရိပုတ္တရာအား အကျဉ်းနည်းဖြင့် ဟောကြား  တော်မူပါသည်။

၃။မြတ်စွာဘုရား ဟောကြားထားသောအဘိဓမ္မာတရားကို အရှင်သာရိပုတ္တ
ရာမထေရ်က မဇ္ဈိမဒေသကို ယူဆောင်လာပြီး လင်းနို့သားဖြစ်ခဲ့ဘူး
သော တပည့်ရဟန်း ၅၀၀-တို့အားမကျဉ်းမကျယ် အလယ်အလတ်နည်း
ဖြင့် ဟောကြားတော်မူပါသည်။
ယနေ့မျက်မှောက်ခေတ်အထိ ရဟန်းရှင်လူတို့ အဘိဓမ္မာတရားကို သင်ကြားခွင့်ရရှိနေသည်မှာ အရှင်
သာရိပုတ္တရာ၏ ကျေးဇူးကြောင့် ဖြစ်ပါသည်။
သဗ္ဗညုမြတ်စွာဘုရားသည် အဘိဓမ္မာတရားကို ဝါတွင်းသုံးလ ဟောကြား
  တော်မူရာ သီတင်းကျွတ်လပြည့်နေ့တွင် ပြီးဆုံးသောကြာင့် လူတို့နေရာ
သင်္ကဿနဂိုရ်ပြည်သို့ ပြန်လည်သက်ဆင်းတော်မူပါသည်။
နတ်ပြည်မှ လူပြည်သို့သက်ဆင်းရာ၌နတ်ပရိသတ်တွေက လက်ယာဘက်
  ရွှေစောင်းတန်းဗြဟ္မာပရိသတ်တွေက လက်ဝဲဘက်
  ငွေစောင်းတန်းမြတ်စွာဘုရားရှင်က အလယ်
ပတ္တမြားစောင်းတန်းမှသက်ဆင်းတော်မူပါသည်။
မာတလိနတ်သားက မြတ်စွာဘုရားအနီး ဝဲဘက်တော်မှ ခစားလိုက်ပါပြီး
ပဉ္စသီခနတ်သားက စောင်းတီးပူဇော်ရင်း လိုက်ပါပို့ဆောင်ပါသည်။သိကြား
မင်းက ဘုရားနောက်တော်မှ ထီးမိုးလိုက်ပါပြီး သုယာမနတ်သားက ယပ်
ခတ်လို့ ပူဇော်လိုက်ပါလာပါသည်။
အဲဒီအချိန်က မြတ်စွာဘုရားရှင်၏အသရေတော်ကို ဖူးတွေ့လိုက်ရတဲ့
လူတွေဟာ ဗောဓိဆုကို ရလိုကြောင်းဆုတောင်းသူက များပါသတဲ့။
ကုဋေပေါင်းများစွာ ကျွတ်တမ်းဝင်လိုကြတယ်လို့ ပိဋကတ်ကျမ်းဂန်များမှာ
  ဖော်ပြထားပါတယ်မြတ်စွားဘုရားသခင် တာဝတိံသာ
နတ်ပြည်မှ သင်္ကဿနဂိုရ်ပြည်သို့ ဆင်းသက်ရာ၌ မီးရှုးတန်ဆောင်
အလင်းရောင်တို့ဖြင့် ထွန်းညှိပူဇော်ကြသည့်ထုံးကို နှလုံးယူ၍ နှောင်းခေတ် ဗုဒ္ဓဘာသာဝင်တို့က
သီတင်းကျွတ်ချိန်တွင် မြင်းမိုရ်မီးပွဲထွန်းညှိပူဇော်ကြခြင်း ဖြစ်ပါသည်။
နတ်ပြည်မှာ နတ်ပရိသတ်များကို အကျယ်ဟောကြားပြီးဆုံးခြင်းသည်
လည်း သီတင်းကျွတ်လပြည့်နေ့စန္ဒကူးတော၌ အရှင်သာရိပုတ္တရာအား
အကျဉ်းဟောကြားပြီးဆုံးခြင်းသည်
လည်း သီတင်းကျွတ်လပြည့်နေ့အရှင်သာရိပုတ္တရာက တပည့်ငါးရာတို့
အား မကျဉ်းမကျယ် အလယ်အလတ်နည်းဖြင့် ဟောကြားပြီးခြင်းသည်
လည်း သီတင်းကျွတ်လပြည့်နေ့ဖြစ်ပါသည်။
ဤအချက်များကို ရည်ညွှန်းပြီးသီတင်းကျွတ်လပြည့်နေ့ကို အဘိဓမ္မာ  တော်နေ့ ကျင်းပရခြင်းဖြစ်ပါသည်။

 နောက်ဆက်တွဲ
**************
၁။အဘိဓမ္မာတရားတော်ကို မြတ်စွာဘုရားသည် ၆-ဝါအလွန် ၇-ဝါအရောက်
သက်တော် ၄၂-နှစ်အရွယ်တွင် တာဝတိံသာနတ်ပြည်၌
မယ်တော်မိနတ်ကိုကျေးဇူးဆပ်လိုသော ရည်ရွယ်ချက်ဖြင့် မယ်တော်မိနတ်အမှုးပြုသော
နတ်ဗြဟ္မာပရိသတ်တို့အား ဝါတွင်းသုံးလ ရက်ပေါင်း ၉၀ - ကြာမျှ ဟောကြားတော်မူခဲ့ပါသည်။

၂။မြတ်စွာဘုရားသည် နတ်ဗြဟ္မာပရိသတ်တို့အား အကျယ်နည်းဖြင့် ဟော
ကြား၍ အရှင်သာရိပုတ္တရာအား အကျဉ်းနည်းဖြင့် ဟောကြားတော်မူခဲ့
ပါသည်။အရှင်သာရိုပုတ္တရာက လင်းနို့သားဖြစ်ခဲ့ဘူးသော ရဟန်းငါးရာတို့
အား မကျဉ်းမကျယ် အလယ်အလတ်နည်းဖြင့် ဟောကြားတော်မူပါသည်။

၃။သုတ္တန်တရားတို့ထက် သာလွန်ထူးခြားသောတရားဖြစ်၍ အဘိဓမ္မာခေါ်ပါသည်။

၎။အဘိဓမ္မာသည် ဓမ္မသင်္ဂဏီ ဝိဘင်းဓာတုကထာ ပုဂ္ဂလပညတ် ကထာဝတ္ထု ယမိုက် ပဋ္ဌာန်းဟူ၍
အရေအတွက် ၇-ကျမ်း ရှိပါသည်။

၅။ကုသိုလ် အကုသိုလ်စသော တရားတို့ကို အကျဉ်းချုပ်အားဖြင့် ဟောကြား
တော်မူသောကျမ်းကို ဓမ္မသင်္ဂဏီ ကျမ်း ဟု ခေါ်ပါသည်။

၆။ခန္ဓာစသော တရားတို့ကို သုတ္တန်နည်း အဘိဓမ္မာနည်းတို့ဖြင့် အမေး
အဖြေပြု၍ အကျယ်ဝေဖန်ဟောကြားသောကျမ်းကို ဝိဘင်း ကျမ်းဟု ခေါ်ပါသည်။

၇။ဓာတ်အမျိုးမျိုး ဟောကြားသောကျမ်းကို ဓာတုကထာ ကျမ်းဟုခေါ်ပါသည်။

၈။ပုဂ္ဂိုလ်အမျိုးမျိုးတို့ကို ခွဲခြားသတ်မှတ် အမည်တပ်၍ ဟောကြားသော
ကျမ်းကို ပုဂ္ဂလပညတ် ကျမ်း ဟု ခေါ်ပါသည်။

၉။အယူဝါဒနှင့်ဆိုင်သော စကားတို့၏တည်ရာဖြစ်၍ အဘိဓမ္မာအနှစ်သာရ
တို့နှင့် ပြည့်စုံသောကျမ်းကို ကထာဝတ္ထု ကျမ်းဟု ခေါ်ပါသည်။

၁၀။အနုလုံနှင့်ပဋိလုံ ပုစ္ဆာနှင့်ဝိသဇ္ဇနာ သန္နိဋ္ဌာန်နှင့် သံသယ အစုံစုံပြု၍
ဟောကြားသောကျမ်းကို ယမိုက် ကျမ်းဟု ခေါ်ပါသည်။
၁၁။အကြောင်းအမျိုးမျိုးကို ဟောတော်မူသောကျမ်း ကုသိုလ်စသော
တရားတို့ကို ၂၄ -ပစ္စည်းတို့ဖြင့် ဝေဖန်အပ်သောကျမ်း သဗ္ဗညုတ
ဥာဏ်တော်၏ ကျက်စားရာဖြစ်သောကျမ်းကို ပဋ္ဌာန်း ကျမ်း ဟု ခေါ်ပါသည်။

၁၂။အဘိဓမ္မာတရားသည် အမိကျေးဇူးဆပ်တရားဖြစ်ပြီး နတ်ပြည်၌ ဟော
ကြားခြင်း သုံးလကြာမျှ ဟောရခြင်းပကတိဘုရားနှင့် နိမ္မိတဘုရားတို့ တစ်
လှည့်စီဟောကြားခြင်း ဟူသော ထူးခြားချက် လေးမျိုးနှင့် ပြည့်စုံပါသည်။
၁၃။အဘိဓမ္မာတရားသည် ပါဠိ၏နက်နဲခြင်း သဘောအဓိပ္ပါယ်၏ နက်နဲခြင်း
ဟောကြားပုံ အစီအစဉ်၏ နက်နဲခြင်း ဥာဏ်တော်၏ နက်နဲခြင်း ဟူသော
ဂမ္ဘီရလေးမျိုးနှင့်လည်း ပြည့်ုစုံပါသည်

၁၄။အဘိဓမ္မာတရားတော်ကို ရွတ်ဖတ်ပူဇော်ခြင်း သင်ကြားနာယူရခြင်းကြောင့် လင်းနို့သားဖြစ်ခဲ့ဘူးသော
ရဟန်းတော်များကဲ့သို့ နာမရူပပရိစ္ဆေဒ ဥာဏ် ရင့်သန်စေခြင်း မဂ်ဖိုလ်
နိဗ္ဗာန်ရောက်ရန် လမ်းကြောင်းအထောက်အပံ့ကောင်း ရနိုင်ခြင်း
ဘေးဥပါဒ်အန္တရာယ် ကင်းဝေးခြင်းကျက်သရေမင်္ဂလာ အဖြာဖြာနှင့် ပြည့်
စုံခြင်းဟူသော အကျိုးတရားများကိုရရှိနိုင်ပါသည်။
သီတင်းကျွတ်လပြည့်နေ့တွင် အဘိဓမ္မာတရား ဟောကြားပြီးဆုံးသည်ကို
ရည်စူး၍ ဤနေ့တွင် အဘိဓမ္မာအခါတော်နေ့ အထိမ်းအမှတ်အဖြစ်ဖြင့်
ကျင်းပခြင်း ဖြစ်ပါသည်။

အဘိဓမ္မာ(ရ)ကျမ်းနှင့် ဝါတွင်းသုံးလ
-------------------------------
၁။ဓမ္မသင်္ဂဏီကျမ်း ၁၂-ရက်
၂။ဝိဘင်းကျမ်း ၁၂-ရက်
၃။ဓာတုကထာကျမ်း ၆-ရက်
၎။ပုဂ္ဂလပညတ်ကျမ်း ၇-ရက်
၅။ကထာဝတ္ထုကျမ်း ၈-ရက်
၆။ယမိုက်ကျမ်း ၂၀-ရက်
၇။ပဋ္ဌာန်းကျမ်း ၂၅-ရက်
-------------------------------------
  မေတ္တာဖြင့် ဓမ္မစကူးလ်ဆုံရာ
မျိုးချစ်သူ(မြောက်လူးကန်ရွာ-ပခုက္ကူ)
==================

မိသားစုကတော့ပွဲသီချင်းလေးပူဇော်ကတော့လိုက်ပါတယ်