ဆရာဂါမဏိပြောတဲ့မြန်မာ့မြေမှ တိုင်းရင်းသား ညီအကို မောင်နှမများ (၁၃၅)

  စာဖတ်သူများခင်ဗျား

ပင်တိုင် ဆောင်းပါးရှင် ဆရာဂါမဏိက မြန်မာနိုင်ငံတွင် တိုင်းရင်းသားလူမျိုး ၁၃၅ မျိုး နအဖက ကြေညာထားချက် အပေါ်တွင် အချက်အလက် အထောက်အထား များဖြင့် မှားယွင်းနေကြောင်း ထောက်ပြ ရှင်းလင်း

နအဖဟာ အရင် အစိုးရ အဆက်ဆက်နဲ့ လမ်းခွဲ ထွက်လာတာဖြစ်တယ်၊ အရင်အစိုးရတွေထက်သာတယ်လို့ ဝါကြွားနေပေမဲ့ ဦးနုအစိုးရ လုပ်ခဲ့တဲ့ ကမ္ဘာအေးလှိုဏ်ဂူ၊ နေဝင်းလုပ်ခဲ့တဲ့ မြန်မာစာ ရေးရာမှာ တစ် ခု-တစ် ယောက်စသဖြင့် သုံးစွဲရေး၊ စောမောင်ထွင်ခဲ့တဲ့ မြန်မာနိုင်ငံ တိုင်းရင်းသား ၁၃၅မျိုး၊ ခင်ညွန့်ထွင်ခဲ့တဲ့ မြန်မာအစ-လူသားအစ ပုံတောင်ပုံညာက ဆိုတဲ့ အယူအဆ တွေကို ဆက်ကျင့်သုံးနေပါတယ်။ အခု ဆောင်းပါး မှာတော့ မြန်မာပြည်မှာတိုင်းရင်း သား ၁၃၅ မျိုးတကယ် ရှိ မရှိကို ဆန်းစစ် ဖော်ထုတ် သွားပါမယ်။

ပထဆုံး ကချင် လူမျိုးတွေကို ကြည့်ရင် နဝတ-နအဖက ကချင် ၁၂ မျိုးလို့ ဖော်ပြ ထားရာမှာ လူမျိုးတမျိုး ထဲက ဆွေမျိုးစုကွဲ၊ ဘာသာစကား လေယူလေသိမ်း ကွဲတွေကို သီးခြား လူမျိုးအဖြစ် ဇွတ်အတင်း ပြထား ပါတယ်။ ဒါ့အပြင် ကချင်ဆိုတဲ့ နာမယ်နဲ့ လူမျိုးတမျိုး သီးသန့်ပြထားသလို ဂျင်းဖော နာမယ် နဲ့လည်း ပြထားပြန်တယ်။ တကယ်တော့ ကချင်ဆိုတာ အားလုံးကိုခြုံခေါ်တဲ့ နာမယ်ဖြစ်မှန်း လူတိုင်းသိပေမဲ့ နအဖဟာ လူမျိုး အရေအတွက် ဖောင်းပွစေ ချင်လွန်းအားကြီးလို့ သီးသန့် လူမျိုးမဟုတ်တာကို အဟုတ်ကြီး လုပ်ထည့်တာ ဖြစ်တယ်။ နအဖ စာရင်းထဲက ဂေါ်ရီ၊ ခခူ နဲ့ ဒူးလန်းတို့ဟာ ဂျင်းဖော အနွယ်ကွဲတွေသာ ဖြစ်ပြီး သီးခြားလူမျိုးစုတွေ မဟုတ်ပါဘူး။ခခူနဲ့ဒူးလန်း ဆိုရင် မျိုးနွယ်ကွဲတခုတည်းကိုဘဲ နာမယ်နှစ်မျိုး ခေါ်ထားတာ ဖြစ်ပါတယ်။ ကချင် ၁၂ မျိုးထဲက တမျိုးအဖြစ် ပြထားတဲ့ တရုမ်းနဲ့ ဒလောင် ဆိုတာလည်း ရဝမ် မျိုးကွဲဖြစ်ပါတယ်။ ဒါကြောင့် နအဖပြောတဲ့ ကချင် ၁၂ မျိုးဟာလက်တွေ့မှာ ၆ မျိုးဘဲဖြစ်ပါတယ်။

နအဖစာရင်း			အမှန်စာရင်း
၁	ကချင်		ဂျိန်းဖော၊ မရူ၊ ရဝမ်၊ လရှီ၊ အဇီးနှင့် လီဆူးတို့ကို လွှမ်းခြုံခေါ်ဝေါ်သည့် အမည်
၂	တရုမ်း		ရဝမ်မျိုးနွယ်စု
၃	ဒလောင်		ရဝမ်မျိုးနွယ်စု
၎	ဂျိန်းဖော	၁	ဂျိန်းဖော (ဂေါ်ရီ၊ ခခူ၊ ဒူးလန်းနှင့် အခြား မျိုးနွယ်စုများပါဝင်)
၅	ဂေါ်ရီ		ဂျိန်းဖောမျိုးနွယ်စု
၆	ခခူ		ဂျိန်းဖောမျိုးနွယ်စု
၇	ဒူးလန်း		ဂျိန်းဖောမျိုးနွယ်စု
၈	မရူ (လော်ဝေါ်)	၂	မရူ
၉	ရဝမ်	၃	ရဝမ် သို့မဟုတ် နုံး (ဒလောင်၊ တရုမ်းနှင့် အခြား မျိုးနွယ်စုများ ပါဝင်)
၁၀	လရှီ (လချိတ်)	၄	လရှီ
၁၁	အဇီး	၅	အဇီး သို့မဟုတ် ဇိုင်ဝါး
၁၂	လီဆူး	၆	လီဆူး သို့မဟုတ် ယောယင် သို့မဟုတ် လီရှော
၁၂	စုစုပေါင်း	၆	စုစုပေါင်း

နအဖရဲ့ ကယား လူမျိုးစာရင်းထဲမှာ လူမျိုး ၉ မျိုးပြထားတယ်။ ဒီထဲမှာဇယိမ်း၊ ကယန်း၊ (ပဒေါင်)၊ ကဲ့ခို၊ ယင်းဘော် ဆိုတဲ့လေးမျိုးဟာ တကယ်တော့ကယန်း (ပဒေါင်) လူမျိုးရဲ့ အမည်ကွဲတွေ သို့မဟုတ် မျိုးနွယ်ကွဲတွေသာဖြစ်လို့ နအဖပြောတဲ့ ၉ မျိုးဟာ လက်တွေ့မှာ ၅ မျိုးဘဲဖြစ်သွားပါတယ်။ဂေဘားလူမျိုး ကတော့ ဘွဲကရင် သို့မဟုတ် ကယားထဲမှာ ပါဝင်ပါတယ်။

နအဖစာရင်း			အမှန်စာရင်း
၁	ကယား	၁	ကယား
၂	ဇယိမ်း		ကယန်းမျိုးနွယ်စု
၃	ကယန်း (ပဒေါင်)	၃	ကယန်း (ပဒေါင်၊ ကဲ့ဒို၊ ယင်းဘော်၊ ဇယိမ်းတို့ ပါဝင်)
၎	ကဲ့ဒို		ကယန်းမျိုးနွယ်စု
၅	ဂေဘား		ဘွဲကရင်မျိုးနွယ်စု
၆	ဘရဲ့ (ကယော)	၃	ကယော
၇	မနုမနော	၄	မနုမနော
၈	ယင်းတလဲ	၅	ယင်းတလဲ
၉	ယင်းဘော်		ကယန်းမျိုးနွယ်စု
၉	စုစုပေါင်း	၅	စုစုပေါင်း

နအဖရဲ့ကရင် လူမျိုး ၁၁ မျိုးစာရင်းဟာလည်း လူမျိုးတမျိုးထဲရဲ့နာမယ်ကွဲတွေ၊ မျိုးနွယ်စုကွဲတွေကို သီးခြား လူမျိုးတွေအဖြစ် ဖန်တီးထားတယ်။ အားလုံးကို လွှမ်းခြုံခေါ်တဲ့ ကရင်လူမျိုး ကသတ်သတ်၊ စကော ပိုး ဘွဲ စတဲ့ လူမျိုးက သတ်သတ် လုပ်ထားတာ အင်မတန် ရယ်စရာ ကောင်းပါတယ်။ လူမျိုးတွေ ဖောင်းပွ စေချင် လွန်းလို့ ကြံမိကြံရာ လုပ်လိုက်တာ တိုင်းပြည် အုပ်ချုပ်နေတဲ့အစိုးရ အရည်အချင်းမဲ့မှုကို ပြတာလည်းဖြစ်သွားတယ်။ ကိုယ့်တိုင်းပြည်က လူမျိုးနာမယ်တောင် အမှန်အတိုင်းမသိဘဲ အစိုးရ လုပ်နေရသလား၊ ဒါလောက်လေးမှ မသိဘူးလားလို့ အများမေးငေါ့ စရာ ဖြစ်ကုန်ပါတယ်။ကရင်လူမျိုးဟာ ၃ မျိုးဘဲရှိပါတယ်။ ပကူး၊ တလှေပွား၊ မောနေပွား ဆိုတာတွေဟာ စကော ကရင် မျိုးနွယ်ကွဲတွေဖြစ်သလို ကရင်ဖြူ၊ ပလေကီး ကတော့ ဘွဲကရင်ရဲ့အမည်ကွဲနဲ့ မျိုးနွယ်ကွဲသာဖြစ်ပါတယ်။ မိုးပွား နဲ့ မွန်ကရင် ဆိုတာ ပိုးကရင် ဖြစ်ပြီး စာဖြူကရင်ဆိုတာကတော့ လူမျိုးကိုပြောတာ မဟုတ်ဘဲ ခရစ်ယန် ဘာသာဝင်တွေကို ပြောတာဖြစ်တဲ့အတွက် နအဖရဲ့ ကလိမ်ကကျစ် လုပ်မှုကိုထင်ရှားနေစေပါတယ်။

ကယား၊ ကယန်း လူမျိုးများဟာ ရင်းမြစ် အားဖြင့် ဘွဲကရင် လူမျိုးဖြစ်ပေမဲ့ မျက်မှောက် ကာလ မှာတော့ သီးခြား လူမျိုးတွေအဖြစ် ရပ်တည်သွားကြပါပြီ။ ကယား လူမျိုးထဲ ထည့်ထားတဲ့ ဂေဘားလူမျိုးကလည်း ဘွဲကရင်ဘဲ ဖြစ်ပါတယ်၊ သီးခြား လူမျိုး အမှတ်အသား လက္ခဏာ ခံယူတဲ့ အနေအထား မရှိသေးဘဲ ဘွဲကရင် မျိုးနွယ်ကွဲ အမှတ်အသား လက္ခဏာ ကိုသာ ခံယူနေဆဲဖြစ်ပါတယ်။ ပအိုဝ်း လူမျိုး ကတော့ နဂို မူလရင်းမြစ် အားဖြင့် ပိုးကရင် ဖြစ်ပေမဲ့ အခုတော့ သီးခြားလူမျိုး လက္ခဏာ ခံယူ ထားပြီ ဖြစ်တယ်။

နအဖစာရင်း			အမှန်စာရင်း
၁	ကရင်		စကော၊ ပိုးနှင့် ဘွဲတို့ကို ခြုံ၍ ခေါ်သော အမည်
၂	ကရင်ဖြူ		ဘွဲကရင်မျိုးနွယ်စု သို့မဟုတ် အမည်ကွဲ
၃	ပလေကီး		ဘွဲကရင်မျိုးနွယ်စု
၎	မွန်ကရင် (စာဖြူ)		ပိုးကရင်အမည်ကွဲ၊ စာဖြူဆိုသည်မှာ ခရစ်ယာန်ဘာသာဝင်ကို ဆိုလို
၅	စကော	၁	စကော (ပကူး၊ တလှေပွား၊ မောနေပွားနှင့် အခြား မျိုးနွယ်စုများ ပါဝင်)
၆	တာလှေပွား		စကောကရင်မျိုးနွယ်စု
၇	ပကူး		စကောကရင်မျိုးနွယ်စု သို့မဟုတ် အမည်ကွဲ
၈	ဘွဲ	၂	ဘွဲ (ကရင်ဖြူ၊ ပလေကီး၊ ဂေဘားနှင့် အခြား မျိုးနွယ်စုများ ပါဝင်)
၉	မောနေပွား		စကောကရင်မျိုးနွယ်စု
၁၀	မိုးပွား		ပိုးကရင်မျိုးနွယ်စု
၁၁	ရှူး (ပိုး)	၃	ပိုး (မိုးပွား၊ မွန်ကရင်နှင့် အခြား မျိုးနွယ်စုများ ပါဝင်)
၁၁	စုစုပေါင်း	၃	စုစုပေါင်း

နအဖစာရင်းထဲမှာ အဆိုးဆုံးကတော့ ချင်း လူမျိုး ၅၃ မျိုးပြ ထားတာပါဘဲ။ ထုံးစံ အတိုင်း ချင်း ဆိုတဲ့နာမယ် နဲ့ လူမျိုးတမျိုးလည်း ပြထား ပါသေးတယ်။ ၅၃မျိုးထဲမှာ ချင်းလူမျိုးအဖြစ် အမှတ်အသားလက္ခဏာ identity မသတ် မှတ်နိုင်တဲ့နာဂ၊ မဏိပူရနွယ်ဘွားကသည်း နဲ့ နီပေါနွယ်ဘွားလင်းဘု ကိုလည်း ထည့်ထားတယ်။ဒီကနေ့ ချင်းနိုင်ငံရေး ပါတီတွေနဲ့ ပညာရှင်များ လက်ခံ အတည်ပြု ထားတာ ချင်းလူမျိုး ၈ မျိုးဘဲဖြစ်ပါတယ်။ လူမျိုး Race/Tribe မဟုတ်တဲ့မျိုးနွယ်စု/ဆွေမျိုးစု Clan ၊ စကားဝဲအစု Dialect တွေကို ရောနှောပြထားတဲ့ ၅၃ မျိုးကို သရုပ်ခွဲလိုက်ရင် အခုလို တွေ့ရပါတယ်။

နအဖစာရင်း			အမှန်စာရင်း
၁	ချင်း		ဇိုမီး၊ ကူကီး၊ လိုင်မီး၊ မရာ၊ ချိုမီး၊ ခမီး၊ ရှိုမီးနှင့် မီဇိုတို့ကို လွှမ်းခြုံခေါ်သောအမည်
၁၀	ခေါနိုး၊ ဂန်တဲ့၊ ဂွေးတဲ၊ ငန်း၊ ဆီစာန်၊ ဆိုင်းဇန်၊ ဇို၊ တီးတိန်၊ တေဇန်၊ ဒင်မ်	၁	ဇိုမီးချင်း
၂	ခေါင်ဆိုင်၊ တာ့ဒိုး	၂	ကူးကီးချင်း
၁၅	ခွာဆင်းမ်၊ ခွန်လီ၊ ဆင်တန်၊ ဇာဟောင်၊ ဇိုဖေ၊ ဇန်ညှပ်၊ တပေါင်၊ တိုင်ချွန်း၊ တောရ်၊ မိအဲ၊ လင်တဲ၊ လောက်တူ၊ လိုင်၊ လိုင်ဇို၊ ဇိုတု့း	၃	လိုင်မီးချင်း
၂	မရာ၊ မတူ	၄	မရာ
၅	ဒိုင် (ယင်ဒူး)၊ မကန်း၊ မွင်း၊ အုပု၊ ရောင်တူ	၅	ချိုမီးချင်း
၇	ခမီ၊ အဝခမီ၊ ခေါင်စို၊ ပနန်း၊ လေးမြို၊ ဝါကင်းမ်၊ အနူး	၆	ခမီးချင်း(မြို)
၂	ဆလိုင်း၊ အရှို	၇	ရှိုမီးချင်း
၃	ကလင်ကော (လူရှိုင်း)၊ လူရှိုင်း (လူရှေ)၊ ဟွာလ်ငို	၈	မီဇိုချင်း (လူရှိုင်း)
၎	နာဂ၊ တန်ခူး၊ မာရင်၊ အနန်		နာဂ
၁	မေ့ထေး (ကသည်း)	၃	မဏိပူရ်
၁	လင်းဘု	၃	နီပေါ
၅၃	စုစုပေါင်း	၈+၃	စုစုပေါင်း

ကူကီး (သာဒိုး) ဟာ ရင်းမြစ် အားဖြင့် ဇိုမီးလူမျိုးဖြစ်ပေမဲ့ အခုတော့ သီးခြား လူမျိုး အဖြစ် ရပ်တည်ပါပြီ။ လိုင်မီး ရင်းမြစ်ဖြစ်တဲ့ မရာ ဟာလည်း အခုသီးခြားလူမျိုးအဖြစ် ရပ်တည်နေပါပြီ။ နအဖဟာ ခမွီးနဲ့မြို ကို ရခိုင် လူမျိုးထဲ ထည့်မထားရင် ချင်း ၅၅မျိုး ဖြစ်သွားနိုင်တယ်။ ချင်းပုန်း၊ ချင်းဘုတ် စတဲ့ နာမယ်ကွဲတွေ ထပ်ထည့်လိုက်ရင် နအဖရဲ့ ချင်းစာရင်းဟာ ၁ဝဝ နားကပ် သွားနိုင်ပါတယ်။ နာဂလူမျိုးကိုတော့ ချင်းလူမျိုးထဲ သတ်မှတ် ထည့်သွင်းလို့ မရဘဲသီးခြား မြန်မာနိုင်ငံ တိုင်းရင်းသား လူမျိုးတမျိုး အဖြစ် သတ်မှတ် ရမှာဖြစ်ပါတယ်။ နအဖရဲ့ချင်းတွေလိုဘဲ နာဂထဲက ဆွေမျိုးစု၊ စကားဝဲ အစုတွေက အနည်းဆုံး ၆၄ မျိုးရှိလို့ ချင်းထက် များပါတယ်။ နာဂ လူမျိုးမှာ ပြည်နယ် မရှိလို့ ချင်းလို လူမျိုး အများကြီး ခွဲမပြတာ ဖြစ်ပါလိမ့်မယ်။ နို့မဟုတ်ရင် နအဖရဲ့ မြန်မာပြည် “တိုင်းရင်းသား အရေအတွက်” ၃ဝဝကျော်သွားနိုင်ပါတယ်။

နအဖစာရင်း			အမှန်စာရင်း
၁	ဗမာ	၁	ဗမာ (ယော)
၂	ထားဝယ်	၂	ထားဝယ်
၃	ဘိတ်		ထားဝယ်စကားဝဲအစု
၎	ယော		ဗမာစကားဝဲအစု
၅	ကဗိန်း	၃	ယဗိန်း
၆	ကဒူး	၄	ကဒူးကနန်း
၇	ကနန်း		ကဒူးကနန်းမျိုးနွယ်စု
၈	ဆလုံ		ဆလုံ
၉	ဖွန်း		ဖွန်း
၉	စုစုပေါင်း	၄+၂	စုစုပေါင်း

နအဖက ဗမာ (ခေါ်) မြန်မာ လူမျိုးစု အရေအတွက်ကို နဝင်းကျေအောင် ၉ခုပြထားပါတယ်။ ယော၊ ထားဝယ်နဲ့ ဘိတ် တို့ကို သီးခြား လူမျိုးတွေ အဖြစ် ပြထားတယ်။ စကားဝဲ dialect အစုကွဲသာ ဖြစ်တယ်လို့ မနုဿဗေဒ ပညာရှင်များနဲ့ ဘာသာဗေဒပညာရှင်များ သတ်မှတ်ထားတာ အားလုံးအသိပါဘဲ။ အခု အချိန်ထိတော့ ဒီအစုတွေဟာ သီးခြားလူမျိုး သရုပ်လက္ခဏာနဲ့ ရပ်တည်ချင်စိတ် ပြင်းပြတာ ကျယ်ကျယ်ပြန့်ပြန့် မရှိသေးပါဘူး။ နောင်မှာတော့ ဘိတ်နဲ့ထားဝယ်ဟာ သီးခြား သရုပ်လက္ခဏာနဲ့ ရပ်တည်ချင် ရပ်တည်လာနိုင် ပါတယ်။ နအဖဟာ ရှမ်းပြည်က သီးခြား ဗမာ လူမျိုးစု အနွယ်ဝင် ဓနု၊ တောင်ရိုးနဲ့ အင်းသား ကိုတော့ရှမ်းလူမျိုးထဲ ထည့်ထား ပါတယ်။ ကဒူးနဲ့ကနန်းကိုလည်း ခွဲပြထား သလို ကချင်ပြည်နယ်၊ ရှမ်းပြည်နယ် ထဲက ဖွန်းလူမျိုးနဲ့ တိဘက်-ဗမာ အနွယ် မဟုတ်တဲ့ ဆလုံတွေကို ဗမာလူမျိုးထဲ ထည့်ထားတာတွေဟာ မနုဿဗေဒအသိ နုံ့နဲ့ရာကျပါတယ်။ စစ်ကိုင်းတိုင်းထဲက နာဂတွေ ကျတော့ ချင်းလူမျိုးထဲ ထည့်ထားပေမဲ့ကချင်ပြည်နယ်ထဲက ကဒူး ကနန်းတွေကိုတော့ ဗမာလူမျိုးထဲ ထည့်ထားတယ်။

နအဖဟာ မွန် ကိုတော့ တမျိုးထဲပဲပြထားပြီး တခြား မွန်ခမာမျိုးနွယ်တွေဖြစ်တဲ့ ဝ၊ ပလောင်၊ ယင်းနက် ယင်းကျား စတာတွေကို ရှမ်းလူမျိုးတွေထဲ ထည့်ပြ ထားပါတယ်။

နအဖစာရင်း			အမှန်စာရင်း
၁	မွန်	၁	မွန်
၁	စုစုပေါင်း	၁	စုစုပေါင်း

နအဖစာရင်း			အမှန်စာရင်း
၁	ရခိုင်	၁	ရခိုင်
၂	ကမန်	၂	ကမန်
၃	ခမွီး		ခမီးချင်း
၎	ဒိုင်းနက်	၃	ဒိုင်းနက်
၅	မရာမာကြီး	၄	မရမာကြီး
၆	မြို		ခမီးချင်းမျိုးနွယ်စု
၇	သက်	၅	သက်
၇	စုစုပေါင်း	၅	စုစုပေါင်း

ရခိုင် လူမျိုးကို ၇ မျိုးစာရင်းပြထားရာမှာ တကယ်တော့ ခမွီး နဲ့မြို (မရို) ဟာ ရခိုင်ပြည်မှာနေတဲ့ ခမီးချင်းတွေ ဖြစ်ပြီး နအဖရဲ့ ချင်း ၅၃မျိုးဆိုတဲ့အထဲပါပြီးဖြစ်ပါတယ်။ ဒါ့အပြင် ခမွီးနဲ့မြို ဟာသီးခြားလူမျိုးနှစ်မျိုးမဟုတ်ဘဲ တမျိုး တည်းအောက်က မျိုးနွယ်ကွဲတွေသာဖြစ်ပါတယ်။

နအဖစာရင်းပါ ရှမ်း ၃၃ မျိုးကတော့ ရှမ်းတင်မကဘဲ ဗမာမျိုးနွယ်တွေ၊ ပအိုဝ်းလို တခြားတိဘက်ဗမာမျိုးနွယ်တွေ၊ မွန်ခမာမျိုးနွယ်တွေစသဖြင့်ရောထွေးနေပါတယ်။ ရှမ်းကြီးနဲ့ တိုင်းလုံ ဆိုတာ တခုတည်းဖြစ်ပြီးရှမ်းကလေးနဲ့ တိုင်းလေ့ ဟာလည်း တမျိုးတည်းဖြစ်တယ်။ ခန္တီးရှမ်း နဲ့တိုင်းလျမ် ကိုပြထားပေမဲ့ တိုင်းနူ (ရှမ်းတရုတ်)၊ တိုင်းလီ၊ တိုင်းလျန် (ရှမ်းနီ) နဲ့ ဒရယ် ကိုချန်ထားတယ်။ တိုင်း (ရှမ်း) လူမျိုးတွေဟာသီးခြားလူမျိုးတွေအဖြစ် သရုပ်လက္ခဏာခံယူမလား၊ တိုင်းလူမျိုးကြီးထဲကမျိုးနွယ်ကွဲ၊ စကားဝဲ အစုကွဲတွေအဖြစ်သာ ခံယူမလား ဆိုတာတော့ဆက်လက်ဖော်ထုတ်ရအုံးမှာ ဖြစ်ပါတယ်။

အင်၊ စုံ၊ ဝ နဲ့ တိုင်းလွယ် တို့ဟာ တမျိုးတည်း ဖြစ်ပါတယ်။ (တိုင်းလွယ်ကိုတော့ သီးခြားမွန်ခမာလူမျိုးတခု အဖြစ် ယူလို့ရနိုင်တယ်။) ကွီ နဲ့ လားဟူမကွာသလို ဖျင်နဲ့ အခါလည်း အတူတူပါဘဲ။ ပလေးနဲ့ပလောင် တမျိုးတည်း ဖြစ်သလိုမြောင်ဇီး၊ ယအို (ယောင်) နဲ့ အိုက်ဆွယ် တမျိုးတည်းဖြစ်ကြပါတယ်။နယ်ချင်းထိစပ်နေလို့ ယူနန်တရုတ် လူမျိုးကို (ယူနန်တရုတ် မဟုတ်ဘဲ မင်မင်းဆက်နောက်ဆုံးဘုရင်နဲ့အတူပြေးလာတဲ့ မြောက်ပိုင်းသား မန်ဒါရင်တရုတ် လို့လဲတချို့သမိုင်းတွေမှာ ဆိုပါတယ်) ဗမာပြည်ရဲ့ တိုင်းရင်းသားကိုးကန့်လူမျိုးအဖြစ် သတ်မှတ်ထားတာတွေ့ရသလို ယွန်း (မြောက်ပိုင်းထိုင်း)လူမျိုး၊ ခမူ (လော) လူမျိုး၊ ရှမ်းကလေး (ဝါ) တိုင်းလေ့ (ထိုင်း)၊တိုင်းလျမ် (ယူနန်) လူမျိုးတို့ကိုလည်း မြန်မာနိုင်ငံ တိုင်းရင်းသားလူမျိုးအဖြစ် သတ်မှတ်ထားတာတွေ့ရတယ်။ ချင်းပြည်ဘက်မှာလည်း ကသည်း (မဏိပူရ)လူမျိုး၊ လင်းဘု (နီပေါ) လူမျိုးတို့ကို တိုင်းရင်းသားသတ်မှတ်ထားပေမဲ့အလားတူ ဗမာပြည်နယ်နိမိတ်ထဲ နေထိုင်နေတဲ့ တိုင်းလိ (ယူနန်)၊ ပသျှူး (မလေး)၊တိဘက်၊ ဂေါ်ရခါး (နီပေါ)၊ စစ်တကောင်းဘင်္ဂါလီ (ဘင်္ဂလားဒေ့ရှ်) တို့ကိုတော့တိုင်းရင်းသားအဖြစ် ဖော်ပြထားတာမတွေ့ရပါဘူး။

နအဖစာရင်း			အမှန်စာရင်း
၃	ရှမ်း၊ ရှမ်းကြီး၊ တိုင်းလုံ	၁	တိုင်းလုံ (တိုင်းယိုင်)
၁	ဂုံ	၂	တိုင်းခွန် (ဂုံ)
၁	မောရှမ်း	၃	တိုင်းမော
၁	တိုင်းလျမ်	၄	တိုင်းလျမ် (ယူနန်)
၁	ခန္တီးရှမ်း	၅	တိုင်းခမ်းတီး (ကချင်)
၂	ရှမ်းကလေး၊ တိုင်းလေ့	၆	တိုင်းနွဲ့ (ထိုင်း)
၁	ယွန်း	၇	တိုင်းယွန်း (ဇင်းမယ်ထိုင်း)
၂	ပလေး၊ ပလောင်	၈	ပလောင်
၃	ဝ၊ အင်၊ စုံ	၉	ဝ
၁	တိုင်းလွယ်	၁၀	တိုင်းလွယ် (ဝ)
၁	ဓနု	၁၁	ဓန
၁	တောင်ရိုး	၁၂	တောင်ရိုး
၁	ဓနော	၁၃	ဓနော
၂	လားဟူ၊ ကွီ	၁၄	လားဟူ
၂	ကော်၊ ဖျင်	၁၅	အခါ
၁	ခမူ	၁၆	ခမူ (လော)
၃	မြောင်ဇီး၊ ယောင်၊ အိုက်ဆွယ်	၁၇	မြောင်
၁	ကိုးကန့်	၁၈	ကိုးကန့် (တရုတ်)
၁	အင်းသား	၁၉	အင်းသား
၁	ပအိုဝ်း	၂၀	ပအိုဝ်း
၂	ယင်းကျား၊ ယင်းနက်	၂၁	ယင်း
၁	မိုင်းသာ	၂၂	မိုင်းသာ
၃၃	စုစုပေါင်း	၂၂	စုစုပေါင်း

ဒါကိုချုပ်ကြည့်လိုက်ရင် နအဖပြောတဲ့ တိုင်းရင်းသားလူမျိုး ၁၃၅မျိုးဆိုတာမှာ ၇၆ မျိုးဟာ စာရင်းထပ်နေတာ၊ လုပ်ကြံတည်ထွင်ထားတာဖြစ်နေပြီး(၅၉) မျိုးသာ တကယ်အမှန်အကန်ဖြစ်ပါတယ်။ ဒါပေမဲ့ ဒါဟာ ဗမာပြည်မှာ လူမျိုး ၅၉မျိုးသာရှိတယ်လို့ ဆိုလိုတာမဟုတ်ပါဘူး။ ထမန်၊ တိုင်းလျန်(ရှမ်းနီ)၊ ဒရယ်၊ဗမာမူဆလင် (မြေဒူး၊ ဇေဒဘာရီ)၊ တို့နဲ့ နယ်စပ် ဟိုဘက် ဒီဘက်ခွနေလေ့ ရှိတဲ့တိဘက်၊ ဂေါ်ရခါး၊ တိုင်းလိ၊ တိုင်းနူ(ရှမ်းတရုတ်)၊ မလေး-ပသျှူး၊ စစ်တကောင်းသားဘင်္ဂါလီ တို့လို ဒီစာရင်းထဲမပါဘဲ ကျန်နေတဲ့လူမျိုးတွေ ရှိပါတယ်။ ဒီထဲမှာယဗိန်း၊ ဓနော၊ ဒရယ်၊ ထမန်၊ ဖွန်း၊ ခမူတို့ဟာ မျိုးတုံးလုဆဲဆဲ၊ သို့မဟုတ်လူဦးရေရာဂဏန်းလေးသာရှိတဲ့ လူမျိုးတွေဖြစ်ပါတယ်။ ဒါ့အပြင်သီးခြားလူမျိုးအဖြစ် အမှတ်လက္ခဏာသစ်ခံယူလိုတဲ့ သို့မဟုတ် မခံယူလိုတဲ့မျိုးနွယ်ကွဲတွေ ရှိနိုင်ပါသေးတယ်။ ရှမ်းလူမျိုးကွဲတွေထဲကသီးခြားလက္ခဏာအမှတ်အသား မခံယူလိုတာရှိရင် ၅၉ မျိုးထက် လျော့နိုင်ပါတယ်။

ဘယ်လိုဘဲဖြစ်ဖြစ် ဗမာပြည်ရဲ့ တိုင်းရင်းသားလူမျိုးအရေအတွက်ဟာ ၇ဝမကျော်ပါဘူး။ ဒါပေမဲ့ နအဖဟာ တိုင်းရင်းသား လူမျိုးအရေအတွက်ဆယ်ဂဏန်းမပြည့်လည်း အကြောင်းအမျိုးမျိုးပြပြီး စစ်အာဏာရှင်စနစ်ထူထောင်မှာပါဘဲ။ နအဖ စကား၊ နအဖစာရင်းတွေဟာ ဘယ်လိုမှစိတ်ချယုံကြည်စရာမရှိဘူး ဆိုတာရယ်၊ ကိုယ်အုပ်ချုပ်နေတဲ့နိုင်ငံထဲက လူမျိုးတွေကိုတောင် မှန်မှန်ကန်ကန် စာရင်းကောက်နိုင်တဲ့ အရည်အချင်းမရှိဘူးဆိုတာကိုတော့ ၁၃၅ မျိုးစာရင်းက သက်သေ ခံနေပါတယ်။

ဒီနေရာကူယူဖေါ်ပြတာပါ